Fuqia magjike e të falurit. 

Të falësh nuk do të thotë, që NE jemi kaq njerëz të mirë, kaq njerëz të ndritur, kaq zemërgjerë,  sa “të falim”.

Falja është një veprim altruist!

Qëllimi i të falurit nuk është që të ndihmoni tjetrin të ndihet mirë, pavarësisht se EDHE KY është një nga rezultatet fantastike.
Nëse dikë nuk e falni, në fakt ju i jepni atij nga fuqia juaj.
Të falurit është ti japësh vetes mundësinë që të mos lejosh të tjerët të ndikojnë tek ty, dhe të marrësh vetë frenat e jetës në dorë.
Nëse dikë nuk e falni kjo nuk do të thotë se ju nuk po ecni para me jetën tuaj, por nuk duhet mohuar edhe e vërteta lakuriqe,
që sa më shumë të ushqeni inatin, zemërimin, urrejtjen ndaj dikujt, me kalimin e kohës ato nga vetëdija, depërtojnë në nënvetëdije, dhe dashje pa dashje ju kujtojnë për ato “biznese të pista” apo “punë të papërfunduara”. 
Errësira nuk mund të largohet me errësirë, vetëm drita mundet.
Urrejtja nuk mund të largohet me urrejtje, vetëm dashuria mundet.
                              –  Marthin Luther King, Jr.  –
Nga ana tjetër nuk është reale të presim, pavarësisht se dikë me gjithë mend e falim, që shija e keqe largohet menjëherë.
Fillimisht do duhet të pyesni veten se çfarë doni ju në të vërtetë dhe natyrisht ti besoni asaj gjëje që ju dëshironi.
Pra, si çdo gjë tjetër në jetë, bëhet fjalë për një proces i cili kërkon kohën e vet, – nëse me gjithë mend e dëshironi.
Të falësh dhe të harrosh….
Dashuri, tradhëti, mashtrim, gënjeshtër, ironizim, mosruajtje sekreti, zhgënjim….., këto janë ndjenja shumë të forta, dhe vetëm kur i pranoni, vetëm kur i lejoni që ti jetoni, në vend që “me fjalë” apo me “afirmime” ti refuzoni,
vetëm atëhere ju jeni gati që ti shëroni.
Gabimet falen nëse dikush ka kurajon që ato ti pranoj.
                                 –  Bruce Lee  –

Sa herë që ju doni  ti largoni me forcë, frika zë vend brenda jush dhe dalëngadalë ato frikëra kthehen në helmin e jetës suaj.

E vërteta lakuriqe është që ne vetë krijojmë realitetin tonë.
Gjithësesi kur zgjidhni, le të jetë zgjedhje e lirë, le të jetë vendimi i juaj i vetëdijshëm,
sepse vetëm kështu ju do të shijoni forcën magjike të të falurit
dhe vetëm kur falja është e sinqertë,
ju edhe me gjithë mend harroni, 
ju në fund të fundit filloni të jetoni.
2020-08-04T10:21:44+01:00

About the Author:

Shpresa
Pyetja më e shpeshtë që më bëjnë miqtë, të njohurit apo bashkëpunëtorët slloven është: ”Ti ke 20 vjet e larguar nga Shqipëria. Çfarë të bëri të kthesh kokën përsëri drejt saj dhe të japësh ndihmën që po jep?" Nga Shqipëria jam larguar për arsye personale, largimin nuk e kisha planifikuar kurrë, por jeta sjell gjëra të papritura, të paplanifikuara. Në këto vite kam pasur mundësinë të udhëtoj, punoj dhe jetoj në vende të ndryshme. Ngado që kam shkuar kam kërkuar të bëja një vend për vete, vend ku mund të ndërtoja diçka, vend nga ku mund të mësoja diçka, vend nga ku mund të krijoja eksperienca fantastike, vend ku ti bëja vetes vend dhe të gjitha këto me disiplinën, punën time, me dëshirën për të thithur sa më shumë njohuri, kulturë ndryshe i kam arritur. Kam pasur fatin të punoj dhe të njoh njerëz fantastik nga vende të ndryshme dhe me botë kulturore nga më të ndryshmet. Nga secili prej tyre kam mësuar diçka dhe të gjitha këto përvoja dhe ndikime kulturore më kanë bërë të jem ky produkt që jam sot. Por, kjo botë e krijuar dhe e gjetur jashtë kufijve të Shqipërisë më hapi rrugën drejt Shqipërisë, drejt shtëpisë, pasi shtëpinë ngado që shkojmë e mbajmë me vete. Kur jemi shumë afër diçkaje nuk shohim se çfarë kemi, nuk e kuptojmë se çfarë do të thotë kjo familje, çfarë do të thotë ky vend, pavarësisht problemeve dhe vështirësive. Jam tepër e sigurt që vendi im apo çdo qytetar i këtij vendi meriton një jetë ndryshe, meriton mundësi të reja dhe të gjitha këto fillojnë nga individët si unë, si ju, nga secili që është i gatshëm të marrë përgjegjësi. Unë kam marr para disa vitesh përgjegjësinë, që me blogun dhe njohuritë e mia të sjell të rejat më të fundit të shkencës pas suksesit dhe nuk dorëzohem në misionin tim. Faleminderit që më ndiqni!

One Comment

  1. Avatar
    FLORENCA reci 14/03/2020 at 15:57 - Reply

    Te falesh eshte bukur ,e kuptoj .Por shpesh hete falim edhe njerez qe se meritojne ti falesh sepse ato do te lendpjne perseri keshtu qe faljes i humb vlera .Falja ka vlere aq sa ti kupton qe veprimi qe bere ta ndryshon pozitivisht pozicionin tend .Ne te kundert nuk mund te abuzojme me Faljen .Zoti eshte mbi ne .ai na fal ne qe s’harrojme e s’falim me te drejten tone.

Leave A Comment